Окуутууда мотивацияны калыптандыруу жана өнүктүрүү маселеси билим берүү мекемелеринде борбордук орундардын бирин ээлейт. Анын актуалдуулугу билим берүүнү өнүктүрүүнүн жана модернизациялоонун артыкчылыктуу багыттары менен аныкталат. Акыркы жылдары билимдер менен көндүмдөргө окуучулардын ийгиликтүү ээ болуусун камсыздоодогу окуунун оң мотивациясынын ролу абдан чоң экендигин ар мугалимдин түшүнүүсү күч алды. Буга байланыштуу, физика сабагы боюнча окуучулардын билимдерге ээ болууларынын сапатын жогорулатуу көйгөйү, анын ичинде, окуу ишмердүүлүгүнө оң окуу мотивациясын калыптандыруу жана өнүктүрүү көйгөйү өсүүдө. Мындай мотивация аларды туруктуу, системалуу окуу ишине козгойт. Адамдын билим берүү ишмердүүлүгүндөгү ийгилиги көптөгөн факторлор менен, анын ичинде окуу процессинде социалдык-маданий тажрыйбаны өздөштүрүүнүн ийгилиги менен аныкталат, ага иш-аракеттин бул түрүнүн структуралык компоненти мотивдер сыяктуу таасир этет.

Полный текст