Макала балдар бакчасы менен башталгыч мектептин программаларынын ортосундагы улантмалуулук көйгөрлөрүнүн илимий негизде иштелип чыкпагандыгы, билим берүү чөйрөсүндөгү түзүлгөн өзгөчөлүктөр, биринчи класска барган балдардын мектепте окууга болгон даярдыктарына коюлган катуу талаптар, бакча жана үй-бүлө шартында тарбияланган балдардын билим жана көндүмдөрүндөгү айрымачылыктардын мектепке даярдоо проблемасынын учурда өтө актуалдуулугун белгилейт. Алты-жети жаш курактагы балдардын байланыштуу кебин өстүрүү, сабаттуулукка үйрөтүүгө даярдоо, айлана-чөйрө жөнүндө түшүнүктөрүн илимий-педагогикалык изилдөөлөрдүн негизинде калыптандыруу балдарды мектепке даярдоодогу көйгөйлүү проблемалардан экендиги каралган. Мектепке даярдоо окуу-тарбия ишмердүүлүктөрүнүн баардык учурларында өзгөчө баланын өз эне тилиндеги байланыштуу кебин өркүндөтүү, сөздүктөрүн байытуу,тыбыштарды сөздөрдүн арасында туура айттыруу, печатталган тамгалар менен тааныштырып, колдорунун манжаларын калем сапты туура кармап, дептердин бетинде туура багыт алуусуна, жазылган кыска текстерди окууга, байланыштуу кебин өркүндөтүүгө үйрөтүү аркылуу, баланын келечекте сабаттуу болуусуна негиз түзүүдөгү көйгөйлөр каралат. 

Полный текст

Макалада балдарга эстетикалык тарбия берүүнүн мааниси жөнүндө, ошондой эле  эстетикалык тарбия берүүдө ата-энелерге үй бүлөөдө кандай иш-аракеттер жана жолдорду  колдонсо  боло  тургандыгы жөнүндө  ойлор  катылган. Эстетикалык тарбияны жаш кезинен уй булөөдө  кандайча калыптандырууга боло тургандыгы карата сунуштар  айтылган.Жаштарды ар тараптан өнүккөн, билимдүү, илимдүү, мада­нияттуу адам кылып тарбиялоо азыркы күндүн негизги талабы. Элдик педагоги­кадагы акыл-ой, турмушу, чарбасы, үй-бүлөсү  улуттук эстетикалык тарбия менен тыгыз байланышта өсүп-өнүгүп, муундан-муунга берилип отурган. Кыргыздарда эстетикалык маданият, эстетикалык табит кыргыз элинде өтө жогору бааланган. Эгерде элдин, улуттун жашоосуна педагогикалык жактан үй-бүлөлүк  тарбияга баа берсек  элдин карым-катнашы, баалуулугу, эстетикалык маданияты жогору болгон жаш муунду тарбиялоо жана үйрөтүү  тыгыз байланыштуу болгонун байкайбыз.

Полный текст

макалада кенже курактан баштап, бөбөктөргө тарбия, билим берүүнү учурдун талаптарына жараша өркүндөтүүдө баланын  эне тилинде сүйлөө кебин өстүрүү чоң мааниге ээ экендиги илимий изилдөөлөр аркылуу негиздүү берилет.  Максаты жаш курактарына ылайык ар бир баланын сөздүгүн байытуу, өз эне тилинде байланыштуу сүйлөө кебин өркүндөтүү аркылуу мамлекетибиздин баардык региондорунда мектепке чейинки билим берүүнүн баардык балдар үчүн жеткиликтүүлүгүн  жана сапатын камсыздоо. Баланын байланыштуу кебин калыптандырууда үй-бүлөөдө бала менен  өз эне тилинде баарлашуу, эрте жашынан алардын сөз байлыктарын байытуу, байланыштуу сүйлөө жөндөмдүүлүктөрүн туура калыптандыруучу чөйрөнү түзүү керектиги айтылат.“Мектепке чейинки билим берүү жана балдарды кароо” стандартынын талаптарына ылайык балдардын кеп маданиятын калыптандыруу ишмердүүлүктөрү  бакчада системалуу уюштурулганда,  педагогикалык шарттар түзүлгөндө гана балдардын кебин жаш курактарына ылайык өркүндөтсө болору берилген.

Полный текст