Макалада математиканы окутуунун методикасы боюнча илимий изилдөөлөрдүн багыттары тууралуу талдоо жүргүзүлгөн. Азыркы учурда Кыргызстанда илимидердин тармактары боюнча келечектеги изилдөөлөрдүн багыттарын аныктоо маселеси өз актуалдуулугун көрсөтүүдө. Кабыл алынган нормативдик жана стратегиялык документтерди анализдөөнүн негизинде автор тарабынан математиканы окутуунун методикасы боюнча төрт негизги багыт белгиленген. Математиканы окутууда адеп ахлактыкка тарбиялоо проблемасы боюнча изилдөөлөрдү жүргүзүү маанилүү багыт болуп эсептелет. Бул багыттын актуалдуулугун Кыргыз Республикасынын Жарлыгы тастыктайт. Математиканы окутуунун методикасы боюнча дагы бир актуалдуу изилдөөлөрдүн тематикасы Санарип Кыргызстан концепциясына ылайык келет. Изилдөөлөрдү жүргүзүүдө дагы бир актуалдуу проблема – бул окуучулардын функционалдык сабаттуулуктарын калыптандырунун илимий негиздерин иштеп чыгуу. Ал эми бул иш аракеттерди ишке ашыруучу мугалим болуп эсептелет, ошондуктан бул багыттар боюнча мугалимдин ишмердүүлүгүн арттыруунун илимий негиздерин изилдөө проблемасы математиканы окутуунун методикасынын негизги илимий багыты болуп эсептелет

Полный текст