Акыркы жылдары дүйнөдө маалыматтык технологиялар жигердүү өнүгүп, алар барган сайын адам баласынын ишмердүүлүгүнүн ар кандай тармактарында колдонулууда. Макалада дисциплина боюнча электрондук окуу курсун түзүүнүн этаптары кеңири баяндалат. Электрондук окуу курсунун маалыматтык мазмунун өнүктүрүүнүн усулдук өзгөчөлүктөрү баяндалган. Мындай жол менен уюштурулган окууда студенттер активдүү таанып-билүү иш-аракетине тартылып, маалыматка ачык жеткиликтүүлүк шартында ишмердүүлүктүн жаңы түрүн өздөштүрүп, жаңы технологиялар менен тааныша тургандыгы далилденген. Электрондук окутуу технологияларын колдонуу билим берүү тармагында алдыңкы планга чыгууда. Бул университеттик билим берүү контекстинде эң актуалдуу, анда заманбап педагогикалык технологиялардын, анын ичинде электрондук окутуу технологиясынын салттуу технологияларга үстөмдүк кылуу процесси жүрүп жатат. Салттуу окутууда билимди даяр формада берүүдөн айырмаланып, электрондук окутуу технологиялары окуучулардын жеке темпте өз алдынчалуулугун жогорулатууну камсыз кылат, бул бир жагынан аларга башкалар менен кеңири баарлашууга мүмкүндүк берет, экинчи жагынан студенттерге биргелешкен иш-аракеттерин пландаштыруу мүмкүндүк түзөт.

Полный текст