Бул макалада коомдук өнүгүүнүн маанилүү маселелеринин бири жаш муундарды тарбиялоодо үй-бүлөнүн орду, өзгөчө, атанын берген тарбиясы маанилүү экендиги жана анын кыргыздын баатырдык ыйык эпосу “Манаста” кандай берилгендиги тууралуу жазылды. Ата-эненин берген тарбиясы баланын калыптанып, өсүп, турмуштан өз ордун табуусу үчүн алгачкы тарбиянын башаты болот. Бүгүнкү педагогика баланы эркин, өз оюн тартынбай айтып өсүшүнө багытталган тарбиялоону сунуштап жатат. Бул сунушталган педагогикалык усул - ыкмалардын үлгүлөрү кыргыздын элдик тарбиясында байыртан эле бар экендиги “Манас” эпосундагы Манастын балалык чагын сүрөттөгөн окуялардан көрүнөт. Баланын тарбиясында атанын камкордугунун мааниси өзгөчө. Эпосто атасы Манасты эркин өстүрөт жана эмгекке тарбиялайт, аны менен акылдашат, пикирин угат. Мунун философиялык да, педагогикалык да мааниси бар.

Полный текст