Макалада кыргыздардын дүйнөтаанымындагы жаштар маселесинин чагылдырылышы философиялык талдоого алынды. Жаштар маселеси элдик оозеки чыгармачылыкта, легендарлуу ойчулдардын көз караштарында, Чыгыш Перипатетикасынын ойлорунда чагылдырылган. “Жаш адамдар”, “жаштар”, “жаштык” түшүнүктөрү элдик акындардын жана “замана” агымынын өкүлдөрүнүн дүйнөтүшүнүгүндө талдоого алынат. Кыргыз эли байыртан бери жаштарды маданий-руханий баалуулуктарды алып жүргөн социалдык-активдүү топ, өзгөчө демографиялык катмар катары эсептеген. Жаштар өздөрүн коомдук турмушта, маданияттын калыптануусунда жана социалдашуу процессинде өзгөчө топ катары кабылдап келишкен. Ушуга байланыштуу кыргыздар жаштарды тарбиялоонун башкы каражаты катары фольклордук чыгармага басым жасашкан. Элдик оозеки чыгармачылыкты өздөштүрүү адамда инсандык сапаттарды калыптандырат жана чыдамкай, толернанттуу, сабырдуу болууга чакырат. 

Полный текст