макалада авторлор тарабынан Кыргыз Республикасында учурда көркөм билим берүү багытындагы адистиктерди окутуу маселелери, андагы айрым көйгөйлөр, эстетикалык циклдагы сабактарды окутууда КР Билим берүү жана илим министрлиги тарабынан жасалып жаткан кайдыгер мамиле, гранттык орундарды бөлүштүрүүдө адистиктерге болгон суроо-талаптарга жеткиликтүү талдоо жүргүзүлбөй жаткандыгы тууралуу маалыматтарды берүү менен жалпы билим берүүчү мектептерде анын экинчи пландагы сабак катары кабыл алынып жатуусу тууралуу маселе козголот. Ошону менен катар эстетикалык циклдагы: музыка, көркөм сүрөт, технология сабактарынын  жаш муундарга тарбия берүүдөгү таасирлүү орду тууралуу белгилүү педагог окумуштуулардын илимий тыянактары, кошуна мамлекеттерде бул сабактарга бөлүнгөн сааттар жана алардын жаш муундардын жан дүйнөсүнүн калыптануусундагы оң натыйжалары белгиленип, бул маселелерди чечүүгө карата айрым сунуштар берилген.

Полный текст